Landnemafræðsla undir styrkri leiðsögn Helga

« 1 af 2 »

Fyrsti varaformaður Verkalýðsfélags Vestfirðinga og fyrrum starfsmaður félagsins Helgi Sigurjón Ólafsson andaðist í gær, mánudaginn 31. ágúst eftir erfið veikindi.

Minningarathöfn verður haldin í Ísafjarðarkirkju laugardaginn 12.september kl.14.00 en útför verður gerð frá Keflavíkurkirkju fimmtudaginn 17.september kl.13.00.

Msza pożegnalna dla Helgiego odbędzie się w kościele w Ísafjordzie, w najbliższą sobotę 12 września o godzinie 14.00. W szczególności zapraszamy osoby, które nie mogą uczestniczyć w pogrzebie, a pragną pożegnać się z Naszym przyjacielem po raz ostatni.

Po mszy  serdecznie zapraszamy na kawę i ciasto.

Pogrzeb Helga Ólafsson odbędzie się 17 września o godzinie 13.00 w Keflavíkurkirkja ( Kościół w Keflaviku).

Helgi var alla tíð ötull baráttumáður fyrir réttinda- og fræðslumálum innflytjenda og beitti sér ötullega fyrir málefnum þeirra á vettvangi verkalýðshreyfingarinnar. Fyrir stofnun Verk Vest var Helgi formaður Verkalýðsfélags Hólmavíkur sem undir forystu hans frá árinu 1982 tók virkan þátt í samningagerð Alþýðusambands Vestfjarða (ASV).  Í kjölfarið óx virkni félagsins á Hólamvík; haldið var upp á 1. maí ár hvert, félagið stóð fyrir námskeiðum af ýmsu tagi og þjónusta við félagsmenn jókst. Undir forystu Helga stóðu félagsmenn á Hólmavík ásamt fjórum öðrum félögum innan ASV að sjö vikna verkfalli landverkafólks vorið 1997. Verkalýðsfélag Hólmavíkur var eitt af stofnfélögum Verkalýðsfélags Vestfirðinga árið 2000 og var Helgi varaformaður til ársins 2007 ásamt því að sinna fjöldanum öllum af trúnaðarstörfum fyrir félagið. Helgi starfaði hjá Verk Vest allt til ársins 2017 en þá lét hann af störfum sökum aldurs.

Stjórn og starfsfólk Verk Vest senda fjölskyldu Helga og öðrum aðstandendum innilegustu samúðarkveðjur.