Formaður Verkalýðsfélags Vestfirðinga var í vinnustaðaheimsóknum á Patreksfirði í gær. Þrátt fyrir slæmt veður og blauta heiðarvegi tók ferðin ekki nema tvo og hálfan tíma, aðra leiðina. Þetta ferðalag færði enn og aftur heim sanninn um það slæma ástand sem við Vestfirðingar þurfum að búa við í samgöngumálum í fjórðungnum yfir vetrarmánuðina.
Stjórn Verkalýðsfélags Vestfirðinga ásamt samstarfsfólki kvaddi Pétur Sigurðsson í samsæti honum til heiðurs á Hótel Ísafirði. Sagðar voru sögur af kappanum bæði gamlar og nýjar, þá var hann leystur út með gjöfum frá félaginu fyrir fórnfúst og óeigingjarnt starf fyrir launþega á Vestfjörðum.