Mínar síður

Author: Finnbogi Sveinbjörnsson

Kjararýrnun launþega staðreynd

Heimilin í landinu hafa ekki farið varhluta af þeim hækkunum sem dynja yfir á degi hverjum. Svo virðist sem reynt sé að vekja upp gamalkunnan draug sem hefur legið hefur í dvala undanfarin ár.

Unnið að kjarasamningum á Reykhólum

Hægt miðar með kjarasamninga fyrir starfsfólk Þörungaverksmiðjunnar á Reykhólum. En kjarasamningur hefur verið laus þar frá áramótum líkt og var með kjarasamninga á almennum vinnumarkaði.

Grunnmenntaskóli á Þingeyri

Verkalýðsfélag Vestfirðinga, Fræðalumiðstöð Vestfjarða og Vinnumálastofnun efndu til upplýsingafundar með þeim sem hyggjast hefja nám í Grunnmenntaskóla á Þingeyri.

Trúnaðarmaður og öryggistrúnaðarmaður hjá Eyrarodda ehf

Fimmtudaginn 28. feb. fór fram kosning trúnaðarmanns og öryggistrúnaðarmanns í fiskvinnslunni Eyrarodda á Flateyri. Fyrirtækið hélt þá starfsmannafund og við fengum að nota tækifærið til að koma þessum málum í rétt horf. Fundurinn var jafnframt nýttur til að dreifa kynningarefni um nýgerðan kjarasamning og svara spurningum félaga okkar í Eyrarodda um efni hans. Túlkur á […]

Mikil vonbrigði – Öll félög smábátaútgerðar hafna kjarasamningi

Eins og komið hefur fram hér á vefnum var þ. 21. des. s.l. undirritaður kjarasamningur milli Sjómannasambands Íslands og Landssambands smábátaeigenda. Vonir voru bundnar við að með því væri stigið skref í átt til þess að starfsfólk smábátaútgerða njóti sömu félagslegra réttinda og annað launafólk á landinu, en sem kunnugt er hefur smábátaútgerð verið eina atvinnugreinin á Íslandi sem ekki hefur gert kjarasamning við sitt fólk.

Samtök atvinnulífsins draga kjarasamninga á langinn

Þrátt fyrir að rúmir tveir mánuður séu síðan launþegar lögðu hógværar kröfur fyrir Samtök atvinnulífsins þá eru krónurnar sem eiga að skila okkar fólki bættari kjörum enn í sjóðum atvinnurekanda. Þá hefur ríkisstjórnin enn ekki gefið svar um hvort tímabært sé að hún komi að samningaborðinu. Hvenær er tímabært að ríkisstjórnin komi að kjarasamningum ef það er ekki einmitt þegar deilan er komin í þann farveg sem hún er í nú?

Verklýðshreyfingin krefur ríkisstjórn svara vegna fiskvinnslufólks

Málefni fiskvinnslufólks voru rædd á fundi samninganefndar SGS í gær. Þung áhersla var lögð á aðgerðir af hálfu ríkisstjórnarinnar sem tryggðu hag fiskvinnslufólks við þær aðstæður sem eru að skapast í greininni. Ljóst er að breytingar á lögum um atvinnuleysistryggingar duga ekki til þegar brugðið er á þau ráð sem fiskvinnslan Vísir hf. viðhafði í tilkynningu lokunar starfsstöðva á Þingeyri og Húsavík.

Alvarleg tíðindi í atvinnumálum Þingeyringa

Á starfsmannafundi hjá vinnslustöð Vísis hf. á Þingeyri tilkynnti Pétur H. Pálsson þær fyrirætlanir eiganda fyrirtækisins að loka vinnslunni frá 1.maí 2008 – 1. október 2008 eða í fimm mánuði. Ekki var annað að heyra en hugur væri til að hefja starfsemina að nýju strax 1. október, því ekki væri um uppsagnir á ráðningasambandi við […]

Fyrsta skref í átt til aðgerða launþega

Það er nokkuð ljóst að Samtök atvinnulífsins (SA) ætla ekki að koma á móts við verkalýðshreyfinguna (ASÍ) í kröfum þeirra um skammtímasamninga. Nokkurs misskilnings virðist gæta hjá forsvarsmönnum atvinnulífsins hvað varðar hugmyndir ASÍ um aðkomu ríkisstjórnarinnar við gerð kjarasamninganna. Venjan hefur verið sú að launþegahreyfingin hefur lagt fram launakröfur beint til SA sem hafa kostnaðarmetið […]

Kjaradeilan til ríkissáttasemjara

Starfsgreinasambandið og Flóafélögin vísuðu kjaradeilunni til ríkissáttasemjara í dag. Kröfurnar eru skýrar. Fundur er boðaður með aðilum n.k. mánudag. Eins og fram hefur komið lagði verkalýðshreyfingin fram tillögu að þríhliða sátt aðila vinnumarkaðarins og ríkisins til lausnar kjaradeilunnar sem nú stendur.

Staðan í samningamálum – hugmyndir ríkisstjórnarinnar vonbrigði

Eftir að samningaviðræðum var slitið fyrir jól eru viðræður SGS og SA komnar á fullt skrið að nýju. Þrátt fyrir að samningar hafi verið lausir frá áramótum virðist lausn deilunnar ekki vera í sjónmáli. Áherslur ríkisstjórnarinnar í skattamálum er ekki sú innspýting sem vonast var eftir. Á formannafundi landsbyggðarfélaga innan SGS sem haldin var 7. janúar sl. var farið yfir stöðuna og hvað skerf yrðu farin næst með eða án aðkomu ríkisstjórnarinnar.

Kjaraviðræðum frestað fram yfir áramót !

Eins og kom fram í frétt á vef okkar þann 29. nóvember s.l. um nauðsyn þess að ríkisstjórnin kæmi að gerð kjarasamninga með skýr svör í skatta og velferðarmálum, þá er aðal ástæða frestunar kjaraviðræðna einmitt fyrst og fremst sú að fulltrúar ríkisstjórnarinnar eru ekki að koma með skýr svör.

ASÍ mótmælir útúrsnúningi Samtaka atvinnulífsins

Alþýðusamband Íslands hefur ítrekað krafist þess að meginefni samþykktar Alþjóðavinnumálastofnunarinnar nr. 158 um rökstuddar uppsagnir verði innleidd hér á landi. Það er skoðun ASÍ að það séu fólgin í því grundvallar mannréttindi og almenn kurteisi að launafólk fái að vita hvers vegna því er sagt upp. Undir þetta sjónarmið hafa allmargir tekið, nú síðast aðstoðarframkvæmdarstjóri […]

Réttarbót fyrir fiskvinnslufólk

Alþingi hefur samþykkt breytingar á lögum nr. 51 frá 1995 um greiðslur Atvinnuleysistryggingasjóðs vegna fiskvinnslufólks. Breytingarnar hafa í för með sér þá mikilvægu bót, að fiskvinnslufólk sem verið hefur á dagvinnutryggingu í vinnslustöðvun getur nú sótt um mismuninn á dagvinnu og tekjutengdum atvinnuleysisbótum sem það hefði átt rétt á ef það hefði verið skráð atvinnulaust. Atvinnuleysistryggingasjóður greiðir þá mismuninn.

Verkalýðsfélag Vestfirðinga endurnýjar í Svignaskarði

Gengið hefur verið frá verksamningi við Eirík Jón Ingólfsson í Borgarbyggð um byggingu á nýju sumarhúsi í staðinn fyrir gamla húsið nr.30 í Svignaskarði, sem má kannski segja að hafi verið orðið barn síns tíma. Gert er ráð fyrir að framkvæmdum verði lokið fyrir næsta sumar þannig að húsið komist í útleigu fyrir háanna tímann.

Ekki ætlunin að gefa afslátt af kröfunum!

Starfsgreinasamband Íslands hefur lagt fram kröfur aðildarfélaganna til Samtaka atvinnulífsins varðandi komandi kjarasamninga. Þetta eru ekki bólgnar kröfur eins og verkalýðshreyfingin hefur oft verið sökuð um heldur til þess gerðar að laga stöðu þeirra sem eru á lægstu töxtunum án þess að skapa þjóðhagslegan óstöðugleika.

Góður gangur í fiskvinnslu á Patreksfirði

Formaður Verkalýðsfélags Vestfirðinga var í vinnustaðaheimsóknum á Patreksfirði í gær. Þrátt fyrir slæmt veður og blauta heiðarvegi tók ferðin ekki nema tvo og hálfan tíma, aðra leiðina. Þetta ferðalag færði enn og aftur heim sanninn um það slæma ástand sem við Vestfirðingar þurfum að búa við í samgöngumálum í fjórðungnum yfir vetrarmánuðina.

Verkalýðsforingi kvaddur

Stjórn Verkalýðsfélags Vestfirðinga ásamt samstarfsfólki kvaddi Pétur Sigurðsson í samsæti honum til heiðurs á Hótel Ísafirði. Sagðar voru sögur af kappanum bæði gamlar og nýjar, þá var hann leystur út með gjöfum frá félaginu fyrir fórnfúst og óeigingjarnt starf fyrir launþega á Vestfjörðum.

Veggspjald Verk-Vest á fimm tungumálum

Á félagssvæði Verkalýðsfélags Vestfirðinga er mjög fjölþjóðlegt umhverfi hvað félagsmenn varðar. Því miður er ekki eingöngu hægt að notast við móðurmál okkar íslenskuna heldur verður líka að vera hægt að koma upplýsingum á framfæri á öðrum tungumálum.

Formannafundur SGS gefur tóninn fyrir komandi kjarasamninga

Á formannafundi aðildarfélaga á landsbyggðinni í síðustu viku kom fram sá samhljómur sem hefur verið að magnast meðal landsbyggðarfélaganna, að okkar félagar hafa ekki notið þessa margumtalaða launaskriðs sem sífellt er verið telja landsmönnum trú um að sé í gangi allstaðar á vinnumarkaði.