Ályktun miðstjórnar um atvinnu- og efnahagsmál
Miðstjórn ASÍ lýsir áhyggjum af þeirri miklu óvissu sem ríkir um framvindu íslensks efnahags- og atvinnulífs. Dráttur á lausn ICESAVE málsins hefur sett efnahagsáætlun Íslands og Alþjóða gjaldeyrissjóðsins sem og afgreiðslu lána frá vinaþjóðum í uppnám. Afleiðingarnar eru að erfitt ef ekki ómögulegt er að fjármagna þær stórframkvæmdir sem hefjast áttu á þessu ári.
Þá gagnrýnir miðstjórn ASÍ seinagang stjórnvalda við að taka nauðsynlegar ákvarðanir sem snúa að atvinnuuppbyggingu og endurreisn efnahagslífsins.
Réttur fólksins, ekki rukkaranna
Miðstjórn ASÍ krefst nú þegar aðgerða af hálfu stjórnvalda til að bregðast við greiðsluvanda þeirra heimila sem verst standa.Ríkisstjórnin hefur haft heilt ár til að bregðast við fjárhagslegu hruni þúsunda heimila. Aðgerðirnar hafa verið í skötulíki. Bankar og fjármálastofnanir hafa verið fengnar til að útfæra björgunaraðgerðir, stofnanir sem hugsa fyrst og fremst um að lágmarka eigin skaða en ekki endilega um heill skuldarans. Þetta er aðferðafræði sem miðstjórn ASÍ hafnar.
Við viljum vinna – ályktun miðstjórnar ASÍ
Á fundi miðstjórnar miðvikudaginn 10.febrúar var aðgerðarleysi stjórnvalda gagnvart launþegum í landinu mjög til umræðu. Ekkert ber á þeim sértæku úrræðum sem skuldsettum heimilum hafði verið lofað og eru þolmörk margra heimila löngu brostin vegna þessa. Þá hefur lítið borið á fyrirheitum til að koma hjólum atvinnulífsins almennilega í gang, þar situr allt við sama keyp, nánast engar framkvæmdir á vegum hins opinbera eða sveitarfélaga og niðurskurðarhnífurinn á lofti. Á fundinum var samþykkt að eftirfarandi ályktun yrði send út.“Atvinnuleysi er böl. Það er því forgangsmál að stuðla með öllum tiltækum ráðum að aukinni atvinnu um leið og við verjum störfin.
Stjórn Verk Vest mótmælir lokun svæðisútvarps Vestfjarða
Stjórn Verkalýðsfélags Vestfirðinga mótmælir harðlega þeirri ákvörðun Ríkisútvarpsins ohf, að segja upp starfsfólki og loka starfsstöð svæðisútvarpsins á Vestfjörðum. Miklu máli skiptir fyrir landsbyggðina að hafa ákveðinn vettvang þar sem málefni líðandi stundar, menning og fréttir innbyrðis á svæðinu fær góða umfjöllun. Slík umræða tengir landsbyggðina betur saman og styrkir sjálfsímynd íbúanna. Stuttir fréttapistlar af […]
Gríðarleg fjölgun á atvinnuleysisskrá mikið áhyggjuefni
Frá áramótum hefur fjölgað gríðarlega á atvinnuleysisskrá hjá vinnumálastofnun á Vestfjörðum, eða úr 133 ainstaklinga í lok desember 2009 í 161 einstakling þann 9. febrúar 2010. Á sama tíma fyrir rúmu ári voru 83 einstaklingar á átvinnuleysisskrá hér á Vestfjörðum og þótti mönnum nóg um þá. Nýjustu tölur segja okkur að atvinnuleysi í fjórðungnum hafi aukist um nærfellt 100% á þessu tímabili. Þrátt fyrir það berja menn sér á brjóst og tala um að hlutfall atvinnulausra sé lang minnst á Vestfjörðum, við þurfum ekki að hafa svo mikla áhyggjur.
Þörungavinnslan á Reykhólum til fyrirmyndar í forvörunm
Þörungavinnslan á Reykhólum var valin fyrirmyndarfyrirtæki VÍS í forvörnum árið 2010. Bílson bílaverkstæði og Strætó bs. hlutu einnig viðurkenningu fyrir framúrskarandi árangur í forvörnum. Verðlaunin voru afhent í fyrsta sinn á sameiginlegri ráðstefnu félagsins og Vinnueftirlitsins um forvarnarmál sem hátt í 180 manns tóku þátt í. Þörungavinnslan fékk afhentan veglegan farandgrip til varðveislu næsta árið. Forvarnarverðlaunum VÍS er ætlað að undirstrika mikilvægi þess að vinna skipulega að öryggis- og forvarnarmálum. Forvarnarverðlaunin verða veitt árlega, þeim viðskiptavinum VÍS sem þykja hafa skarað fram úr í öryggis- og forvarnarmálum, eins og fram kom í setningarávarpi Guðmundar Arnar Gunnarssonar, forstjóra VÍS, á ráðstefnunni.
Stjórnarsamþykkt vegna lokunar Sólborgar á Flateyri
Á stjórnarfundi félagsins sem var haldinn í gær var samþykkt að félagið sendi frá ser eftirfarandi stjórnarsamþykkt vegna lokunar öldrunarheimilisins Sólborgar á Flateyri.
„Stjórn Verkalýðsfélags Vestfirðinga beinir þeim eindregnu tilmælum til heilbrigðisráðherra að ákvörðun Heilbrigðisstofnunar Vestfjarða um lokun á öldrunarheimilinu Sólborg á Flateyri verði tekin til endurskoðunar og hún dregin til baka.
Trúnaðar – og talsmenn Verk Vest og Fos Vest á námskeiði
Verkalýðsfélag Vestfirðinga og Félag opinberra starfsmanna á Vestfjörðum héldu sameiginlegt námskeið fyrir trúnaðar – og talsmenn félaganna mánudaginn 25. janúar síðast liðinn. Mjög góð þátttaka var á fundinum, og komu félagsmenna víðsvegar af Vestfjörðum enda nánast sumarfærð í fjórðungnum. Leiðbeinandi á námskeiðinu var Eyþór Eðvarðsson, en hann fór yfir erfiðu mál trúnaðarmannsins eins og eineltismál, samskiptaerfiðleikar, kynferðilega áreitni og önnur þau mál er varða trúnaðarmanninn sem ráðgjafa á vinnustaðnum.
Vel heppnuðu dyravarðanámskeiði lokið
Lögreglustjórinn á Vestfjörðum í samstarfi við Verkalýðsfélag Vestfirðinga, Tryggingamiðstöðina og slökkvilið Ísafjarðarbæjar stóðu fyrir dyravarðanámskeiði dagana 11 – 14.janúar sl. Samkvæmt nýjum reglum þurfa dyraverðir að ljúka sambærilegu námskeiði til að meiga starfa sem slíkir. Megin áhersla var lögð á að hafa námskeiðið sem fjölbreytilegast og blanda saman verklegu og bóklegu. Námskeiðinu var vel tekið af veitingahúsaeigendum á norðanverðum Vestfjörðum og tóku 15 dyraverðir og eigendur veitingastaða þátt.
Námskeið fyrir trúnaðarmenn
Verkalýðsfélag Vesfirðinga og Félag opinberra starfsmanna á Vestfjörðum halda námskeið fyrir trúnaðarmenn félagsins mánudaginn 25.janúar næst komandi. Námskeiðið sem hefst kl. 08:30 verður í sal Verk Vest í Pólgötu 2 á Ísafirði. Trúnaðarmenn félaganna eru hvattir til að láta skrá sig sem fyrst á námskeiðið hjá skrifstofum félaganna. Leiðbeinandi á er Eyþór Eðvarðsson, en námskeiðinu […]
Verð á ýsu hækkar um 5%
Á fundi Úrskurðarnefndar sjómanna og útvegsmanna var ákveðið að hækka verð á slægðri og óslægðri ýsu, sem ráðstafað er til eigin vinnslu eða seld til skyldra aðila, um 5%. Verð á þorski og karfa er óbreytt frá síðustu ákvörðun. Verð þetta gildir frá og með deginum í dag.
Dyravarðanámskeið
Dyravarðarnámskeið í samstarfi lögreglunnar á Vestfjörðum, Verkalýðsfélags Vestfriðinga, slökkviliðsstjórans í Ísafjarðarbæ og Tryggingarmiðstöðvarinnar hf. verður haldið dagana 11 – 14.janúar næst komandi. Námskeiðið er ætlað þeim starfsmönnum veitinga- og skemmtistaða sem sinna dyravörslu og öðrum þeim sem sinna dyravarðarstarfi á einstökum skemmtunum eða dansleikjum. En allir sem sinna dyravarðastarfi, hvort heldur sem aðalstarfi eða hlutastarfi […]
Ríkið flytur kostnað á milli vasa
Ákveðið hefur verið að segja upp öllu starfsfólki á hjúkrunardeildinni Sólborg á Flateyri og leggja störf þess niður. Með þessum hætti á að vera hægt að ná fram auknum sparnaði í rekstri Heilbrigðisstofnunar Vestfjarða, en rekstrareiningin á Sólborg þykir mjög óhentug og barn síns tíma. Samkvæmt upplýsingum frá stofnuninni verður ekki hægt að bjóða starfsfólkinu sem missir vinnuna önnur störf hjá stofnuninni, en ef um nýráðningar verði að ræða hjá stofnuninni þá verði vissulega horft til þessara einstaklinga. Þarna munu því sjö einstaklingar missa vinnuna og bætast í stækkandi hóp atvinnuleitenda á Vestfjörðum.
Kaupliðir sjómanna hækka um áramót
Samkvæmt kjarasamningi þá hækka kaupliðir sjómanna þann 1.janúar 2010. Kauptrygging háseta hækkar um kr.6.500 og taka tímakaup og starfsaldursálag mið af þeirri hækkun. Við útreikning á tímakaupi skal miða við deilistuðulinn 173,33 í kauptryggingu, aðrir launaliðir s.s. hlífðarfata og fæðispeningar hækka um 2,5%.
Skrifstofan lokuð á Gamlársdag
Skrifstofa verkalýðsfélaganna verður lokuð á Gamlársdag. Við opnum aftur mánudaginn 4.janúar 2010 kl 08:00.Starfsfólk skrifstofu verkalýðsfélaganna sendir öllum Vestfirðingum nær og fjær bestur óskir um gleðilegt nýtt ár og þökkum samskiptin á árinu sem er að líða.Nýárskveðjur,Finnbogi, Helgi, Karitas og Eygló.
Rógsherferð gegn verkalýðshreyfingunni
Af einhverjum undarlegum hvötum er enn herjað á verkalýðshreifinguna og forustumenn innan hennar og þeim brigslað um óheilindi. Er þar gefið í skyn að forystumenn innan hreyfingarinnar reyni að koma í veg fyrir að upplýsingar um þá sem sitji í stjórnum og nefndum verði gerðar opinberar. Þessar ásakanir komu fram í kvöldfréttum RÚV þann 21.desember […]
GLEÐILEG JÓL
Félagar og samstarfsfólk ! Starfsfólk skrfstofu verkalýðsfélaganna á Ísafirði sendir ykkur öllum , Bestu óskir um gleðileg jól. Megi nýtt ár færa ykkur gleði og fasæld. Jólakveðjur að vestan. Finnbogi , Karitas , Helgi og Eygló.Athugið að Skrifstofa Verkalýðsfélaganna verður lokuð frá og með 24.desember til 28.desember.
Gleðileg Jól
Verkalýðsfélag Vestfirðinga óskar félagsmönnum sínum gleðilegra Jóla og þakkar samskiptin á árinu sem er að líða.
Átta útskrifaðir með sveinspróf í hússmíði
Þrátt fyrir lægð í byggingargeiranum þá hafa nemar í húsamíði við Menntaskólann á Ísafirði haldið ótrauðir áfram og luku átta námi með sveinsprófi sem var þreytt á dögunum. Í ávarpi Þrastar Jóhannssonar sviðsstjóra tréiðngreina við Menntaskólann kom fram að það væru 18 ár frá því nemar í húsasmíði hefðu síðast verið útskrifaðir frá skólanum. Ástæða […]
Forseti ASÍ vandar stjórnvöldum ekki kveðjurnar
Í pistli á heimasíðu ASÍ fer Gylfi Arnbjörnsson forseti sambandsins yfir það samningsbrot sem ríkisstjórnin hefur samþykkt með afgreiðslu á skattafrumvarpi ríkisstjórnarinnar. Þar vísar forsetinn fyrst og fremst í afnám verðtryggingar persóuafsláttar og niðurfellingu á 3000 kr sérstakri hækkunar persónuafsláttar sem átti að taka gildi þann 1. janúar 2011. Þá rekur forsetinn baráttu ASÍ fyrir því að verðtryggingu persónuafsláttar verði komið á að nýju eftir að hún var afnumin 1989. Þá minnir hann einnig á að það voru Samfylkingin og Vinstri hreyfingin grænt framboð sem höfðu ítrekað tekið undir þessar kröfur ASÍ.
Miðstjórn ASÍ ályktar um áformuð samningssvik ríkisstjórnarinnar
Á fundi miðstjórnar ASÍ varð nokkur umræða um þau áform ríkisstjórnarinnar að svíkja gerða samninga er varðar verðtryggingu persónuafsláttar og sérstaka 3.000 kr hækkun hans. Að loknum umræðum þá var samþykkt að leggja fram eftirfarandi ályktun. Miðstjórn Alþýðusambands Íslands mótmælir harðlega þeim vinnubrögðum ríkisstjórnar Íslands að virða ekki gerða samninga. Samkvæmt stjórnarfrumvarpi um breytingar tekjuskattskerfinu […]
Vísir hf og Oddi hf greiða auka desemberuppót
Fiskvinnsæufyrirtækin Vísir á Þingeyri og Oddi á Patreksfirði hafa ákveðið að greiða starfsfólki sínu auka desemberuppbót. Hjá Vísi munu fyrirtækið greiða tvöfalda desemberuppbót til starfsmanna í hlutfalli við starfstíma og starfshlutfall. Hjá Odda á Patreksfirði hefur enn ekki verið ákveðið hver upphæðin verður, en það mun koma í ljós fljótlega. Félagið hefur ekki fregnað að […]
Verðtrygging persónuafsláttar afnumin – ekki í fyrsta sinn
Það er ljóst að fátt virðist halda í loforðum og samningum við stjórnvöld. Þetta sést best á tekjulagafrumvarpi ríkisstjórnarinnar sem nú er til umfjöllunar á Alþingi. En samkvæmt endanlegum útfærslum sem þar liggja fyrir þá hefur verið ákveðið að standa ekki við 3000 kr. umsamda hækkun persónuafsláttar í byrjun árs 2011. Ekki nóg með það […]
VIRK – starfsendurhæfingarsjóður
Á Vestfjörðum er starfandi ráðgjafi á vegum VIRK í 25% starfi. Þessi ráðgjafi þjónustar félagsmenn Verkalýðsfélags Vestfirðinga, Félags opinberra starfsmanna, Verkalýðs- og sjómannafélag Bolungavíkur og Félag Járniðnaðarmanna á Ísafirði. Ráðgjafinn er með aðstöðu á skrifstofu verkalýðsfélaganna í Pólgötu 2 á Ísafirði, en Fanney Pálsdóttir sjúkraþjálfari hefur haft það starf með höndum frá opnun fyrr á þessu ári.
Forseti ASÍ vill sjá svipaða vexti hér og í Evrópu í lok næsta árs
Gylfi Arnbjörnsson forseti Alþýðusambands Íslands fagnar eins prósentustiga vaxtalækkun sem Seðlabankinn kynnti í morgun. „Við höfum barist fyrir vaxtalækkun lungan úr þessu ári og lækkunin núer í takt við það samkomulag sem við gerðum við stjórnvöld og óbeint við Seðlabanka í Stöðugleikasáttmálanum. Það er alveg ljóst að hátt vaxtastig hefur hamlað uppbyggingu atvinnulífsins sem er […]
Tilbúinn hráefnisskortur ógnar störfum í fiskvinnslu.
Skúli Thoroddsen framkvæmdarstjóri fjallar um þá vá sem útfluttningur á óunnum sjávarafurðurðum hefur fyrir störf starfsfólks í fiskvinnslu í pistli sem hann skrifar á heimasíðu Starfsgreinasambands Íslands. Veltir Skúli þar upp ýmsum áhugaverðum flötum á möguleikum í að gera meira verðmæti úr aflanum hér heima ásamt því að tryggja stöðu landverkafólks í fiskvinnslunni.66 þúsund tonn […]
Ný deildarstjórn Byggingadeildar Verk Vest
Á deildaraðalfundi byggingardeildar Verk Vest sem var haldinn í gær, var kosin ný deildarstjórn.Formaður: Guðjón Kr. HarðarsonVaraformaður: Þröstur KristjánssonRitari: Snorri HinrikssonVaramenn: Bergsteinn Gunnarsson og Hermann GunnarssonVerkalýðsfélag Vestfirðinga býður nýja stjórnarmenn byggingardeildar velkomna til samstarfs og óskar þeim velfarnaðar í trúnaðarstörfum fyrir félagið.
Miðstjórn ASÍ ályktar um skattamál
Miðstjórn Alþýðusambands Íslands lýsir yfir þungum áhyggjum af umfangi skattahækkana en það er mun meira en boðað var við gerð stöðugleikasáttmálans. Mikilvægt er að breytingar á sköttum einstaklinga verði með þeim hætti að þeim tekjulægstu verði hlíft sem kostur er. Miðstjórn varar sérstaklega við þeim áhrifum, sem hækkun neysluskatta hefur á rekstur og skuldir heimilanna. […]
Fiskverð hækkar
Á fundi úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 5%. Þá var ákveðið að hækka verð á slægðri og óslægðri ýsu um 10%. Verð á karfa var hækkað um 5%. Verðið gildir frá og með deginum […]
KNH segir upp starfsfólki vegna stjórnvaldsaðgerða
Verktakafyrirtækið KNH á Ísafirði hefur ákveðið að segja upp 60 af 84 starfsmönnum nú um næstu mánaðarmót. KNH sendi starfsmönnum fyrirtækisins bréf fyrr í vikunni þar sem farið er yfir þá stöðu sem KNH stendur frammi fyrir. Ástæða uppsagnanna er sögð endurskipulagning á fyrirtækinu vegna nýtilkominna stjórnvaldsaðgerða í formi aukinnar skattpíningar og álögur á fyrirtæki ásamt algjöru verkefnafrosti. En KNH er stærsta fyrirtækið á Vestfjörðum í vega- og jarðvegsframkvæmdum og byggist starfsemi KNH nánast alfarið á þesskonar framkvæmdum.