Félagavefur

Styrkir og sjóðir

Verkalýðsfélag Vestfirðinga rekur öfluga sjóði sem styðja við félagsmenn í veikindum, námi, orlofi og öðrum mikilvægum þáttum lífsins. Hér má finna yfirlit yfir helstu sjóði, styrki og tengd eyðublöð.

Sjúkrasjóður

Sjúkrasjóðurinn veitir, meðal annars, fjárhagslegan stuðning við félagsmenn sem missa tekjur vegna veikinda, slysa eða annarra áfalla.

 

Dæmi um greiðslur úr sjóðnum:

  • Sjúkradagpeningar

  • Dánarbætur vegna andláts sjóðfélaga

  • Jólaglaðningur til aldraðra (sjóðfélagar sem hættir er störfum, 69 ára og eldri)

  • Sjúkradagpeningar vegna fíknimeðferðar sjóðfélaga, maka eða barna

  • Styrkur vegna tæknifrjóvgunar og fæðingarstyrkur

  • Styrkur vegna dvalar á Heilsustofnun í Hveragerði

  • Iðgjaldatengdir styrkir fyrir líkamsrækt, tannlækningar, rannsóknir, sjúkraþjálfunar, hjálpartæki o.fl.

  • Viðtalsmeðferðarstyrkur

  • Gleraugnastyrkur

    Fylgigögn mega ekki vera eldri en 12 mánaða.

 

Reglur og umsóknir vegna sjúkradagpeninga

  • Sjúkradagpeningar og dánarbætur eru greiddir mánaðarlega.

  • Umsóknir þurfa að berast fyrir 20. hvers mánaðar.

  • Réttur til styrks fyrnist á 12 mánuðum frá því að bótaréttur skapaðist.

  • Umsóknir skulu vera skriflegar og með umsókn þarf að fylgja fullgilt læknisvottorð gefið út á Íslandi, starfsvottorð frá vinnuveitanda o.fl.

 

Reglugerð Sjúkrasjóðs 2024 (PDF)

Úthlutunarreglur Sjúkrasjóðs 2024 (PDF)

Orlofssjóður

Orlofssjóðurinn býður félagsmönnum upp á fjölbreytta orlofsmöguleika víðs vegar um landið og einnig íbúð á Spáni.

Frekari upplýsingar um húsin og íbúðirnar, s.s. stærð, búnað, umhverfi, leiguskilmála o.fl. fást með því að skrá sig inn á mínum síðum með rafrænum skilríkjum

Leiguskilmálar

  • Lyklar eru afhentir á skrifstofum Verk-Vest eða í lyklaboxum við sumarhús.

  • Framsal leigusamninga er óheimilt.

  • Húsdýrahald er bannað í orlofsbústöðum.

  • Leigutaki ber ábyrgð á þrifum og ástandi húsnæðis við skil.

Félagið býður einnig afsláttarkjör á hótelum, gististöðum, gjafabréfum Iceland Air og afsláttarkortum eins og Útilegukortinu og Veiðikortinu.

Fræðslusjóðir

Félagið er aðili að nokkrum fræðslusjóðum sem styðja við starfsmenntun félagsmanna og veita styrki til stærri verkefna.

Aðildarsjóðir

Umsóknarferli

Félagsmenn skila inn umsókn um einstaklingsstyrk á mínum​ síðum, VerkVest metur umsóknina og afgreiðir styrkinn skv. starfsreglum viðkomandi sjóðs.

Félagið sækir síðan um endurgreiðslu frá sjóðnum. Við hvetjum félagsmenn til að nýta sér rétt sinn hjá sjóðunum.

Vinnudeilusjóður

Vinnudeilusjóðurinn býður félagsmönnum félagsins fjárhagslegan stuðning ef þeir taka þátt í verkfalli eða verkbanni á vettvangi félagsins. Sjóðurinn gæti einnig, að mati stjórnar, tekið þátt í kostnaði vegna kjarasamninga og reksturs vinnudeilu, þar með talið verkfallsvörslu.

Helstu reglur og skilyrði:

  • Rétt til styrks eiga allir skuldlausir félagsmenn sem taka þátt í vinnudeilu eða verkfalli sem félagið styður.

  • Stjórn sjóðsins getur heimilað styrk til annarra stéttarfélaga sem eiga í hörðum kjaradeilum og verkfallsátökum.

  • Sjóðurinn fær árlega til sín 15% af innheimtum félagsgjöldum félagsins auk vaxta af höfuðstól.

  • Stjórn sjóðsins ber ábyrgð á því að sjóðurinn sé á sem hagstæðustu ávöxtun og að fjármunir séu tiltækir ef á þarf að halda.

  • Ef verkfall eða verkbann stendur yfir í 4 daga eða lengur, skal auglýsa eftir umsóknum um styrk úr sjóðnum og veita styrki frá fjórða degi frá upphafi deilunnar.

  • Lágmarksstyrkur skal vera 80% af grunnatvinnuleysisbótum hverju sinni (og miðast við börn ef við á).

  • Stjórn sjóðsins getur í undantekningartilvikum veitt styrk á fyrsta degi vinnudeilu, t.d. ef félagsmaður er í mjög bágum efnahag eða einstætt foreldri.

  • Gjörðir um breytingar á reglugerð sjóðsins geta aðeins farið fram á aðalfundi félagsins.

Reglugerð Vinnudeilusjóðs

Smelltu hér til þess að sækja um

Eyðublöð

Fræðslusjóðir