Ársfundur ASÍ 2010
Ársfundur Alþýðusambands Íslands var haldin dagana 21 – 22. október, frá Verkalýðsfélagi Vestfirðinga voru fimm ársfundarfulltrúar, Finnbogi Sveinbjörnsson, Ólafur Baldursson, Finnur Magnússon, Sólrún B. Aradóttir og Guðjón Kr. Harðarson. Fyrirkomulag ársfundar hefur oft fengið á sig þá gagnrýni að efni hans væri allt fyrirfram niðurnjörvað og ársfundarfulltrúar gætu lítil áhrif haft á loka niðurstöðuna. Fundurinn í ár var með mjög breyttu sniði þannig að fulltrúar allra félag komu að vinnu og gerð ályktana, viðhaft var svonefnt þjóðfundarfyrirkomulag þar sem allir gátu tekið þátt í aðvinna og móta þær áherslur sem fundurinn síðan sendi frá sér.
Formannafundur SGS ályktar um Efnahags-kjara og heilbrigðismál.
Mikil samstaða og samhugur var á formannafundi SGS meðal formanna aðildarfélaga sambandsins, þar sem staða efnahagsmála og undirbúningur kjaraviðræðna var til umfjöllunar. Megin markmið komandi kjarasamninga verður að stöðva svo fljótt sem verða má þá kjara- og kaupmáttarskerðingu sem orðið hefur undanfarin tvö ár og endurreisa kaupmáttinn að nýju. Menn höfðu hins vegar miklar áhyggjur af þeim skorti á trausti sem ríkir í samfélaginu og tefur fyrir því brýna endurreisnarstarfi sem vinna þarf.
Formannafundur Starfsgreinasambands Íslands á Egilsstöðum
Formannafundur Starfsgreinasambands Íslands er haldinn samkvæmt lögum sambandsins það ár sem regluegt þing sambandsins er ekki haldið. Þetta árið er fundurinn haldinn á Egilsstöðum og hefst hann kl.13.00 í dag, hefð er fyrir því að þessir formannafundir séu haldnir utan höfðuborgarsvæðisins. Fundurinn í ár er um margt merkilegur, Starfsgreinasambandið er 10 ára eins og fram […]
Starfsgreinasamband Íslands – SGS – 10 ára – Baráttukveðjur til verkafólks
Þann 13. október árið 2000 var Starfsgreinasamband Íslands stofnað. Stofnaðilar voru fimmtíu félög verkafólks. Við stofnunina sameinuðust Verkamannasamband Íslands, Landssamband iðnverkafólks og Samband starfsfólks í veitinga- og gistihúsum. Aðildarfélög Starfsgreinasambandsins eru nítján í dag. Það er hlutverk sambandsins að sameina verkalýðsfélög í baráttunni fyrir bættum kjörum og standa vörð um áunnin réttindi. Einnig að vera leiðandi afl innan verkalýðshreyfingarinnar og vettvangur umræðu um þróun samfélagsins í þágu launafólks.
Svið starfsmanna ríkis og sveitarfélaga inna SGS hefja undirbúning vegna kjarasamninga
Fundur sviðs starfsmanna hjá ríki og sveitarfélagum, sem eru innan Starfsgreinasambands Íslands hélt fund til undirbúnings kjarasamninga í gær þar sem farið var yfir efnahagsstöðuna, kjaramálin og væntanlegan flutningi á málefnum fatlaðra yfir til sveitarfélaganna, en kjarasamningarnir við ríki og sveitarfélög eru lausir 1. desember n.k. Þátttakendur á fundinum f.h. Verk Vest voru formaður félagsins Finnbogi Sveinbjörnsson og Guðrún O. Kristjánsdóttir starfsmaður hjá Heilbrigðisstofnun Vestfjarða á Ísafirði.
Réttindamál og jöfnun lífeyrisréttinda í brennidepli á kjaramálaráðstefnu Verk Vest
Ágæt þátttaka var í kjaramálaráðstefnu Verk Vest sem var haldin laugardaginn 2.október síðast liðinn. Unnið var með svo kallað þjóðfundarform, þar sem allar hugmyndir eru lagðar fram og kosið um þær sem hver hópur leggur mesta áherslu á. Í lokin var hópunum síðan blandað samana og kosið um sameiginleg mál verkalýðshreifingarinnar og hvað ætti að […]
Samkomulag um að vinna gegn svartri atvinnustarfsemi
Á málþingi um óskráða vinnu og ófagleg vinnubrögð í ferðaþjónustu, sem haldið er á hótel Reynihlíð við Mývatn, var undirrituð viljayfirlýsing um samstarf til að vinna gegn svartri atvinnustarfsemi í ferðaþjónustugreinum. Með undirritun viljayfirlýsingarinnar er stigið mikilvægt skref í því að taka á því samfélagsmeini sem svört atvinnustarfsemi er. Starfsgreinasamband Íslands, Samtök ferðaþjónustunnar, Ferðaþjónusta bænda, embætti Ríkisskattstjóra og Vinnumálastofnun standa að yfirlýsingunni um samstarf til að vinna gegn svartri atvinnustarfsemi í ferðaþjónustugreinum. Það voru þau Kistján Gunnarsson, formaður SGS, Erna Hauksdóttir, framkvæmdastjóri SAF, Sævar Skaptason, framkvæmdastjóri Ferðaþjónustu bænda, Gissur Pétursson forstjóri Vinnumálastofnunar og Jóhann Ásgrímsson, fulltrúi Ríkisskattstjóra sem undirrituðu yfirlýsinguna sem hér fer á eftir;
Kjaramálaráðstefna Verk Vest 2. október – tökum þátt í að móta kröfugerðina
Verkalýðsfélag Vestfirðinga í samstarfi við Starfsgreinasamband Íslands og ASÍ standa fyrir opinn kjaramálaráðstefnu fyrir félagsmenn í Verkalýðsfélagi Vestfirðinga laugardaginn 2. október næst komandi. Ráðstefnan verður haldin á 4 hæð í Stjórnsýsluhúsinu á Ísafirði og hefst kl.11:00. Ráðgert er að henni ljúki kl.15:00 með atkvæðagreiðslu um þau atriði sem okkar fólk vill leggja hvað mesta áherslu […]
Verk Vest og Fræðslumiðstöðin gera samstarfssamning
Verkalýðsfélagi Vestfirðinga hefur borist öflugur liðsauki sem er hún Kristín Sigurrós Einarsdóttir, en á dögunum undirrituðu Verkalýðsfélag Vestfirðinga og Fræðslumiðstöð Vestfjarða samstarfssamning um samrekstur starfsstöðvar Fræðslumiðstöðvar og Verk Vest á Hólmavík. Með þessu er félagið að styrkja tengslanet sitt á Ströndum og í Reykhólasveit. Félagið hefur hefur töluverðar væntingar af samstarfinu við Fræðslumiðstöðina, en megin tilgangur þess er að tengja félagið betur við félagsmenn á þessu svæði og ná betri tökum á fræslumálum innan félagsins.
Vinnum öll gegn svartri atvinnustarfsemi !
,,Framkvæmdastjórn Starfsgreinasambands Íslands telur óhæfu að nokkurt fyrirtæki stundi óskráða atvinnustarfsemi og hliðri sér þannig hjá greiðslu á lög- og kjarasamningsbundnum launatengdum gjöldum. Launagreiðslur slíkra fyrirtækja eru oftar en ekki undir lágmarkstöxtum kjarasamninga og því brot á grundvallarréttindum launafólks. Algengt er að ákvæðum um aðbúnað og hollustuhætti sé ekki framfylgt né reglum um hvíldar- og vinnutíma.“ segir í samþykkt framkvæmdastjórnar SGS frá 7.september síðast liðnum.
Undirbúningur kjarasamninga – er ríkisstjórninni treystandi ?
Nú er að fara í hönd mikill annatími hjá stéttarfélögum víðsvegar um landið vegna undirbúnings fyrir kjarasamninga. En þeir eru flestir lausir frá og með 30.nóvember næst komandi að undanskildum sjómönnum sem eru með lausa samninga frá 1.janúar 2011. Félögin hafa leitað til félagsmanna um helstu áherslur og hvaða kröfur eigi að gera, á að leggja áherslu á lægst launin ? verður hægt að ná árangri í viðræðum við stjórnvöld ? ætla sjómenn að leggja áherslu á sjómannaafsláttinn ? osfrv. Þetta verða ekki auðveldar viðræður og í mörg horn að líta þegar kemur að hvar við eigum helst að setja áherslupunktana okkar. En það sem verður að vera alveg á hreinu er ef við ætlum að ná árangri þá verðum við að standa saman, þannig og eingöngu þannig náum við markmiðum okkar um mannsæmandi laun á vinnumarkaði.
Samkomulag um vinnustaðaskírteini taka gildi
Þann 15. ágúst sl. tók gildi samkomulag ASÍ og SA um vinnustaðaskírteini og eftirlit á vinnustöðum. Öllum atvinnurekendum í hlutaðeigandi greinum ber að sjá til þess að starfsmenn fái vinnustaðaskírteini þegar þeir hefja störf. Nánar um gildissvið og afmörkun starfa má finna í samkomulaginu sjálfu. Síðar er gert ráð fyrir að aðrar atvinnugreinar fylgi í kjölfarið. Atvinnurekandi og starfsmenn hans skulu bera skírteini á sér og vera reiðubúnir að framvísa því, sé þess óskað af eftirlitsfulltrúa. Með atvinnurekanda er einnig átt við sjálfstætt starfandi einstaklinga. Markmið vinnustaðaskírteina og eftirlits á vinnustöðum er að tryggja að atvinnurekendur og starfsmenn þeirra fari að gildandi lögum, reglugerðum og kjarasamningum. og þannig verði komið í veg fyrir ólöglega háttsemi fyrirtækja á íslenskum vinnumarkaði.
Forseti ASÍ fundar á Vestfjörðum
Gylfi Arnbjörnsson forseti Alþýðusambands Íslands fundar með stjórnum aðildarfélaga á Vestfjörðum á Ísafirði í dag. Fundurinn í dag er liður í fundarferð forseta ASÍ með aðildarfélögum um allt land. Gera má ráð fyrir að kjara- og efnahagsmál verði mjög fyrirferðamikil á fundinum í dag, þá verður einnig farið yfir afmarkaðar tillögur að breytingum á skipulagi […]
Aðstoð vegna myntkörfulána
Félagsmönnum í Verkalýðsfélagi Vestfirðinga býðst nú að leita til lögfræðinga félagsins til að fá úr því skorið hvort myntkörfulán sem þeir kunna að hafa tekið gæti verið ólögmæt samkvæmt úrskurði hæstaréttar. Það eina sem þarf að gera er að koma eftirfarandi gögnum til félagsins:1. Upprunalegur lánasamningur2. Einn greiðsluseðil sem dæmi ( yfirleytt til staðar á […]
Skertar atvinnuleysisbætur vegna séreignargreiðslna
Verkalýðsfélag Vestfirðinga hvetur þá félagsmenn sem eru 60 ára eða eldri og hafa verið að fá atvinnuleysisbætur ásamt því að fá greiddan séreignarlífeyrissparnað til að kanna hvort bætur þeirra hafi verið skertar vegna þessa. En breytingar voru gerðar á lögum um atvinnuleysistryggingar með lögum nr. 70/2010, sem tóku gildi í júní sl. Breytingar þessar fela meðal annars í sér að þeir sem eru 60 ára eða eldri og hafa fengið skertar greiðslur úr Atvinnuleysistryggingasjóði á tímabilinu 1. mars 2009 til dagsins í dag, vegna greiðslna úr séreignarlífeyrissjóði, geta átt rétt á endurgreiðslu úr Atvinnuleysis-tryggingasjóði sem nemur fjárhæð skerðingarinnar. Þetta á hins vegar ekki við um þá sem eru yngri en 60 ára þar sem greiðslur úr séreignarlífeyrissjóðum skerða ekki greiðslur til þeirra úr Atvinnuleysistryggingasjóði.
Uppsagnir í vega og mannvirkjagerð
Nú um þessi mánaðarmót hafa fyrirtæki sem sérhæfa sig í vega- og mannvirkjagerð enn þurft að segja upp starfsfólki. Gera má ráð fyrir að þessar uppsagnir varði rúmlega 200 manns á landinu öllu. Þessir einstaklingar bætast nú við þá tæplega þá 17 þúsund einstaklinga sem eru í atvinnuleit á Íslandi í dag. Ef stjórnvöld í landinu ætla ekki að bregðast við ákalli um auknar framkæmdir má gera ráð fyrir atvinnuleysi festi sig í sessi til lengri tíma, hagvöxtur í landinu frestist og efnhagslægðin verði lengri og erfiðari. Stjórnvöld í landinu verða að átta sig á því að auknar framkvæmdir skila sér að miklu leiti aftur í ríkiskassann.
Fæðispeningar sjómanna hækkuðu 1.júní 2010
Samkvæmt kjarasamningum þá hækkuðuð fæðispeningar til sjómanna um 7,2% frá og með 1. júní 2010. Þetta hefur verið leiðrétt í kaupgjaldskrá sjómanna hér á vefnum. Fæðispeningar frá 1.júní eru því eftirfarandi fyrirhvern dag:A. Skuttogarar, loðnuskip og sambærileg skip……..kr. 1.388B. Önnur skip stærri en 100 brl. sem ekki eru tiltekin í lið A……………………………………….kr. 1.103C. Skip 12 […]
Vöruverð enn hátt þrátt fyrir styrkingu krónunnar !
Þrátt fyrir samfellda styrkingu krónunnar frá áramótum bólar enn lítið á verðlækkunum á innfluttum neysluvörum. Forsvarsmenn verslunarinnar hafa fullyrt að verslunin hafi almennt tekið á sig afkomuskerðingu vegna veikra stöðu krónunnar. En nú þegar krónan hefur styrkst þá er ekki að sjá að verð lækki sem nemur styrkingunni.
Sé verðþróun innfluttra vara skoðuð frá ársbyrjun 2008 þegar krónan tók að veikjast er bein tenging hvernig verðlag á helstu flokkum innfluttra neysluvara hækkaði framan af nokkurn veginn samhliða veikara gengi krónunnar. En það furðulega er að þrátt fyrir 25 – 30% styrkingu krónunnar þá hefur vöruverð ýmist haldið áfram að hækka eða nánast staðið óbreytt undanfarna mánuði.
Verð á þorski lækkar um 5%
Á fundi Úrskurðarnefndar sjómanna og útvegsmanna var ákveðið að lækka verð á slægðum og óslægðum þorski, sem sem ráðstafað er til eigin vinnslu eða seldur til skyldra aðila, um 5%. Verð þetta gildir frá og með deginum í dag, 1. júlí 2010.
Vel heppnaður fjölskyldudagur verk Vest
Fjölskyldudagur Verk Vest var haldinn í ágætu veðri á víkingasvæðinu á Þingeyri laugardaginn 26.júní síðast liðinn. Félagsmenn og fjölskyldur þeirra áttu ánægjulega samverustund við ýmsa leiki sem íþróttafélagið Höfrungur á Þingeyri stóð fyrir. Þá bauð félagið þeim sem vildu upp á siglingu í víkingaskipinu Vésteini og þáðu nokkrir að leggjast í víking út á Dýrafjörðinn. […]
Vinnuskólinn í heimsókn
Vinnuskóli Ísafjarðarbæjar er nú kominn á fullt og má sjá ungmenni um allan bæ við hin ýmsu störf. Mest ber á vinnu við snyrtingu umhverfisins svo sem hreinsun opinna svæði ásamt garðslætti að ógleymdum Morranum. En vinnuskólinn er ekki bara vinna, hann áað vera sambland af vinnu, leik og námi. Það hefur tekist mjög vel […]
Breyting á reglum um námsstyrki
Starfsfræðslusjóðirnir Landsmennt og Sveitamennt sem Verkalýðsfélag Vestfirðinga er aðili að hafa ákveðið að auka við réttindi frá og með 1.júlí næst komandi. Breytingin felst í viðbót við einstaklingsstyrki fyrir eitt samfellt námskeið eða nám sem fara þá eftir reglum sjóðsins. Félagsmenn sem ekki hafa nýtt sér sinn rétt síðustu þrjú ár eiga rétt á styrk […]
Fjölskyldudagur Verk Vest 26.júní
Fjölskyldudagurinn verður að þessu sinni á víkingasvæðinu á Þingeyri laugardaginn 26.júní milli kl.14.00 og 17.00. Á þingeyri er búið að byggja upp skemmtilegt útivistarsvæði í víkingastíl og er svæðið myndað úr hringhleðslu úr grjóti. Þar er gott svæði til leikja og einnig grillaðstaða, svið, bekkir og borð. Þarna ætlum við að grilla, syngja saman og […]
Vegið að launafólki – verjum grunnstoðirnar og kjör lágtekjuhópa
Undirbúningur að gerð fjárlaga fyrir árið 2011 er í fullum gangi. Gatið sem þarf að fylla er stórt og því óhjákvæmilegt að draga verður úr útgjöldum og hagræða í ríkisrekstrinum. Miðstjórn ASÍ telur mikilvægt við þessar aðstæður að haft sé náið samráð við verkalýðshreyfingunaum forgangsröðun í rekstri ríkisins, með það að markmiði að verja grunnstoðir […]
ASÍ segir sig frá Stöðugleikasáttmálanum
Á miðstjórnarfundi ASÍ þann 16.júní síðast liðinn var samþykkt að slíta samstarfi við ríkisstjórnina vegna hins svokallaða stöðugleikasáttmála. Kornið sem fyllti mælinn voru nýjustu svik ríkisstjórnarinnar um aðkomu ríkisins að starfsendurhæfingarsjóði launþega og atvinnurekenda. Í stöðugleikasáttmálanum hafði verið samþykkt að fresta aðkomu ríkissjóðs að starfsendurhæfingarsjóði til ársins 2010 vegna bágrar stöðu í ríkisfjármálum. Nú er ljóst að ríkisstjórnin ætlar sér ekki að standa við þau loforð eins og kom fram í störfum Alþingis nú fyrir þinglok.
„Það er engin launung að væntingar miðstjórnar ASÍ til lögbindingar þessara ákvæða var síðasta hálmstráið sem rökstuddi aðild ASÍ að stöðugleikasáttmálanum. Nú er sú von að engu orðin og lýsir miðstjórn ASÍ því formlega yfir að engar forsendur eru fyrir aðkomu þess að frekari samstarfi á þeim grunni.“ asi.is
Einarsstaðir og Flókalundur *** LAUST ***
Vikuna 18. – 25.júní er laust á Einarsstöðum á Héraði og í Orlofsbyggðinni í Flókalundi. Áhugasömum er bent á að snúa sér til skrifstofu félagsins um bókanir og frekari upplýsingar. Sími á skrifstofu er 4565190 og tölvupóstur er postur@verkvest.is einnig er rétt að benda á að hér til vinstri á síðunni er að finna tengil […]
LAUST Í ÖLFUSBORGUM *** LEIGÐUR ***
Vegna forfalla var að losna orlofsbústaður í Ölfusborgum dagana 18. – 25.júní nk. Þannig að nú gildir reglan fyrstur kemur fyrstur fær. Upplýsingar á skrifstofu félagsins í síma 4565190 eða postur@verkvest.is
Samkomulag um verð á Ufsa
Náðst hefur samkomulag við LÍÚ um verð á Ufsa þegar afla er ráðstafað til eigin vinnslu eða afli seldur til skylds aðila. Samkomulagið sem gildir frá 15.júní 2010 – 1.janúar 2011 er tilkomið vegna bókana um fiskverð í síðustu kjarasamningum. Verðið skal endurskoðað reglulega eða að minnsta kosti mánaðarlega og skulu verðbreytingar meðal annars hafa […]
Dagsferð á Látrabjarg og Rauðasand 12. júní
Minnum á áður auglýsta dagsferð á Látrabjarg og Rauðasand þann 12. júní. Farið verður með rútu frá Landsbankaplaninu á Ísafirði kl. 09:00 og ekið sem leið liggur á Látrabjarg. Eftir það verður farið yfir á Rauðasand sem þykir einn fegursti staður landsins.Sameiginlegur kvöldverður er svo fyrirhugaður á Hótel Flókalundi áður en haldið verður af stað […]
Laust í sumarbústaði – fyrstur kemur fyrstur fær
Þrátt fyrir algjöra sprengingu í umsóknum um sumarbústaði hjá Verk Vest fyrir sumarið þá eru ennþá nokkrar vikur lausar til umsókna. Tímabilin sem eru laus hafa verið sett inn á síðuna undir olofshús og bústaðir. Þeir sem vilja tryggja sér bústaði eru beðnir að hafa samband við skrifstofu félagsins sem fyrst í síma 4565190 eða […]