Fréttir frá Starfsendurhæfingu Vestfjarða – SEV
Starfsendurhæfing Vestfjarða tók til starfa 1. janúar síðastliðinn og er starfsemin til húsa í Vestrahúsinu, Árnagötu 2 – 4 á Ísafirði. Starfsendurhæfing Vestfjarða er sjálfseignarstofnun og hefur það að markmiði að veita einstaklingum á Vestfjörðum endurhæfingu til atvinnuþátttöku í heimabyggð og auka þannig lífsgæði þeirra og fjölskyldna þeirra.
Almenn launahækkun kemur ekki til framkvæmda 1. mars
Nokkurs misskilnings viðist gæta varðandi samkomulag um frestun kjarasamninga sem ASÍ og SA hafa skrifuðu undir í gær. Fyrirhugaðar krónutöluhækkanir, kr. 13.500 verkafólk, kr. 17.500 fyrir iðnaðarmenn og 3,5% launaþróunartrygging koma ekki til framkvæmda 1. mars 2009. Eingöngu er verið að hækka lágmarkstekjutryggingu úr 145.000 í 157.000 fyrir fulla dagvinnu að meðtöldum bónusum og vaktaálagi.
Frestun kjarasamninga staðreynd – kauptrygging hækkar
Á fimmta tímanum í gær náðist samkomulag á milli ASÍ og SA um frestun á endurskoðun og framlengingu kjarasamninga. Þetta þýðir að þær launahækkanir sem hefðu átt að koma inn þann 1. mars frestast. Í samkomulaginu felst að ákvörðun um framlengingu og endurskoðun skal vera lokið eigi síðar en 30. júní á þessu ári.
BÓTHILDUR – frítt fyrir félagsmenn Verk Vest
Í framhaldi af námskeiðum sem félagið hefur staðið fyrir um fjármál heimilanna, þá hefur Verkalýðsfélag Vestfirðinga nú fest kaup á nokkru magni af bókhaldsforritinu BÓTHILDI. Félagar í Verkalýðsfélagi Vestfirðinga geta nú fengið forritið BÓTHILDI sér að kostnaðarlausi á skrifstofu félagsins.
Gagnlegar upplýsingar til launafólks
Við þær aðstæður sem nú hafa skapast í atvinnulífi landsmanna er nauðsynlegt að halda rekstri fyrirtækja gangandi. Þó er ekki ólíklegt að einstaka fyrirtæki fari í gjaldþrot eða einhver skipti um eigendur. Þessi staða á vinnumarkaði gæti valdið starfsfólki áhyggjum um eigið atvinnuöryggi og framtíð heimila þeirra. Stéttarfélögin munu leitast við að veita félagsmönnum sínum alla þá aðstoð og ráðgjöf sem unnt er, en félögin hafa gott og vel þjálfað starfsfólki í sinni þjónustu.
Látum verkin tala !
Ljóst þykir að þau verkefni sem ennþá bíða afgreiðslu hjá nýju ríkisstjórninni þola enga bið. Nauðsynlegt er að bretta upp ermar og láta verkin tala, leggja til hliða ómálefnalegt dægurþras og óþarfa málalengingar á meðan þjóðin rambar á barmi gjaldþrots ef marka má nýjustu spár og fréttir þar um.
Páskaleiga orlofshúsa í Ölfusborgum og Svignaskarði
Páskaleiga dagana 8 – 14. apríl er ennþá laus til umsókna í Ölfusborgum og Svignaskraði. Fyrstur kemur, fyrstur fær. Vinsamlegast hafið samband við skrifstofu félagsins í síma 4565190 eða postur@verkvest.is
Skiptar skoðanir um framvindu kjarasamninga
Á fundi formanna inna ASÍ sem haldinn var á Grand Hótel í dag voru skiptar skoðanir um hvort rétt væri að óska eftir frestun á endurskoðun kjarasamninga eða ekki. Samhljómur var meðal landsbyggðarfélaganna sem velflest lögðust gegn því að frestunarleiðin yrði farin. Skilaboð frá samninganefnd Verkalýðsfélags Vestfirðinga inn á fundin voru skýr, almennt launafólk á Vestfjörðum hefði ekki notið launaskriðs í góðærinu og því væri ósangjarnt að ætla þeim sem undanfarin misseri hefðu eingöngu verið á strýpuðum töxtum að taka á sig enn frekari skerðingar í formi frestunar á endurskoðun kjarasamnings langt fram á sumar.
Breytingar á greiðslum styrkja fræðslusjóða
Frá og með 1. janúar voru teknar upp breytingar við greiðslu fræðslustyrkja hjá Landsmennt, Ríkismennt og Sveitamennt. Nú verða styrkir afgreiddir um leið og viðkomandi kemur með kvittun vegna greiðslu á námi/námskeiði. Hingað til hafa styrkir ekki verið afgreiddir fyrr en að námi/námskeiði loknu. Þetta er gert til að koma betur á móts við þarfir markhóps sjóðanna. Sérstaklega þegar kreppir að og atvinnuleysi gerir vart við sig í meira mæli en verið hefur. Þá getur þetta einnig reynst hvatning til náms fyrir ungt fólk sem hætt hefur námi á ákveðnum tíma og langar síðan að reyna fyrir sér á ný – hættir að vinna og byrjar í námi.
Ánægja með námskeið fyrir smiði
Dagana 30 – 31. janúar var haldið námskeið í viðhaldi og viðgerðir húsa á vegum Verkalýðsfélags Vestfirðinga og Iðunnar fræðaseturs. Kennarar á námskeiðinu voru þeir Jón Sigurjónsson og Björn Marteinsson hjá Nýsköpunarmiðstöð Íslands. Það var mál þátttakanda að námskeiðið hefði verið gagnlegt og myndi nýtast vel sérstaklega ef endurgreiðsla virðisaukaskatts af endurbótum yrði að veruleika. […]
Enn hækkar matarkarfan í verði !
Hinn almenni launamaður fer ekki varhluta af stöðugum hækkunum matvara og annarra nauðsynja til reksturs heimila. Ýmis útgjöld eins og viðhald húsnæðis hafa aukist umtalsvert svo ekki sé minnst á rekstrargjöld heimilisbílsins. Samkvæmt nýjustu úttekt verðlagseftirlitsins á vörukörfu ASÍ þá nemur hækkunin um 35% frá því í apríl á síðasta ári. Á þessu sama tímabili […]
Örvun hagkerfisins nauðsynleg
Formaður Verkalýðsfélags Vestfirðinga fer yfir það í pistli hér á síðunni að ráð- og stefnuleysi megi ekki ráða för þrátt fyrir að mikið gangi á í pólitíkinni. Leita verði leiða til að örva hagkerfið og skapa atvinnumöguleika með því að boða til sóknar í framkvæmdum á vegum ríkis og sveitafélaga. Þegar pistillinn var skrifaður hékk […]
Kjarasamningur sjómanna samþykktur
Kosningu um framlengingu á kjarasamningi sjómanna í Verkalýðsfélagi Vestfirðinga lauk kl.17:00 þann 30. desember sl. Kynningarfundir um samkomulagið fóru fram dagana 22.desember í skrifstofu félagsins á Ísafirði og 29. desember í húsnæði Fræðslumiðstöðvar Vestfjarða og var fundurinn sendur út um fjarfundarbúnað til Patreksfjarðar. Á kjörskrá voru 120 sjómenn í Verkalýðsfélagi Vestfirðinga og greiddu 33 atkvæði […]
Kjarasamningur sjómanna samþykktur
Sameiginlegri talningu atkvæða um kjarasamninga milli Sjómannasambands Íslands, Sjómanna- og vélstjórafélags Grindavíkur, Verkalýðsfélags Vestfirðinga og Sjómannafélags Íslands fór fram hjá ríkissáttasemjara fyrr í kvöld. Engar kærur eða athugasemdir höfðu borist til kjörstjórnar vegna framkvæmdar kosningarinnar. Á kjörskrá voru alls 2.214 sjómenn og greiddu 1.189 atkvæði eða 53,7% þeirra sem voru á kjörskrá. Niðurstaða sameiginlegrar talningar […]
Breytingar á persónuafslætti og atvinnuleysisbótum
Frá og með 1.janúar 2009 koma inn hækkanir á persónuafslætti og sjómannaafslætti. Einnig kemur til framkvæmda hækkun á atvinnuleysisbótum, bæði grunnatvinnuleysisbótum og tekjutengdum. Þann 1. janúar hækkar persónuafsláttur úr kr.34.034 í 42.205 og nemur hækkunin því kr.8.171. Sjómannaafsláttur hækkar úr kr. 874 á dag í kr.987 á dag eða 113 krónu hækkun á dag. Hækkun […]
Kjörfundur vegna kjarasamninga sjómanna
Verkalýðsfélag Vestfirðinga hefur staðið fyrir tveimur kynningarfundum um kjarasaminga sjómanna á Vestfjörðum og hafa fundarmenn getað kosið um samninginn að loknum kynningum. Í þessu sambandi er rétt að ítreka að kjörfundur er einnig í dag 29.desember til kl 17:00 og á morgun 30. desember frá kl.08:00 – 17:00 í skrifstofu félagsins á Ísafirði. Sjómenn eru […]
Jólakveðja
Verkalýðsfélag Vestfirðinga sendir bestu óskir um gleðileg jól, gott og farsælt ár með þökkum fyrir samstarfið á árinu. Megi nýtt ár færa ykkur öllum farsæld og frið. Jólakveðja frá Verk -Vest
Jólakveðja
Stjórn og starfsfólk Verkalýðsfélags Vestfirðinga óskar félagsmönnum og fjölskyldum þeirra gleðilegra jóla og farsældar á nýju ári. Merry Christmas and a happy new year! Wesolych Swiat Bozego Narodzenia. Priecigus Ziemsvetkus un laimigu Jauno Gadu! Maligayang Pasko at manigong bagong taon. เมอรี่คริสต์มาส และสวัสดีปีใหม่
Jólagjöfin í ár – enn frekari hækkun á verðbólgu !
Nýjustu mælingar á verðbólgu sýna að sá raunveruleiki sem blasir við okkur er með nöturlegri jólakveðjum sem heimili landsmanna fá yfir sig þessa dagana. Þrátt fyrir að ráðamenn þjóðarinna hafi hvatt til þess að hækkanir á neysluvöru yrðu takmarkaðar af fremsta megni, þá hafa þeir nú boða ýmsar hækkanir sem eiga eftir að reynast mörgu heimilinu erfiðar. Hvaða skilaboð sendir þetta út í samfélagið, jú við skulum líka hækka, það hlýtur að vera í lagi ! Við skulum rétt vona að verslun og þjónusta fari ekki í sama farveg og ríkisstjórnin og æði af stað með hækkanir með skeliflegum afleiðingum fyrir samfélagið allt.
Kynningarfundir vegna kjarasamninga sjómanna
SJÓMENN ATHUGIÐ ! Verkalýðsfélag Vestfirðinga verður með kynningarfundi um kjarasamning sjómanna mánudaginn 22.desember og mánudaginn 29.desember. Kynningarfundurinn 22.desember hefst kl.13:30 í húsi félagsins á Ísafirði. Kosning um kjarasamninginn verður að lokinn kynningu. Kynningarfundurinn 29.desember hefst kl. 13:30 í húsnæði Fræðslumiðstöðvar Vestfjarða á Ísafirði. Sjómenn á sunnanverðum Vestfjörðum eru hvattir til að mæta í þekkingarsetrið Skor […]
Miðstjórn ASÍ ályktar um fjárlagafrumvarp og ráðstafanir í ríkisfjármálum
Miðstjórnar ASÍ kom saman 17. des. og fjallaði um fjárlagafrumvarp og ráðstafanir í ríkisfjármálum. Í ályktun fundarins segir að óhjákvæmilegt sé að ráðast í það erfiða verkefni að taka á hallarekstri ríkissjóðs. Að áilit miðstjórnar mun það taka nokkur ár að koma ríkisfjármálunum í jafnvægi. Miðstjórnin leggur á það áherslu að stjórnvöld leggi fram tillögur sem taka á því hvernig jafnvægi verði komið á ríkisreksturinn á næstu árum og óvissu verði þannig eytt. Miðstjórnarfundur telur afar mikilvægt að varin verði staða þeirra sem minnst mega sín við þessar erfiðu aðstæður, s.s. elli- og örorkulífeyrisþega. Í þeim ráðstöfunum sem kynntar hafa verið vantar verulega á að þetta hafi verið gert. Heildarsamtök launafólks ákváðu því í síðustu viku að fresta öllum viðræðum um endurskoðun og gerð nýrra kjarasamninga vegna áranna 2009 og 2010 fram yfir áramót. Ályktun fundarins ér svohljóðandi:
Kjarasamningar sjómanna undirritaðir
Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:“Table Normal“; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:““; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:“Times New Roman“; mso-ansi-language:#0400; mso-fareast-language:#0400; mso-bidi-language:#0400;} Vinnulotu við kjarasamningsgerð sjómanna lauk á fimmta tímanum í dag með undirritun kjarasamninga Alþýðusambands Vestfjarða, Sjómannasambands Íslands, Farmanna- og fiskimannasabands Íslands og VM félags […]
Samningur SGS við Launanefnd sveitarfélaga samþykktur
Niðurstaða atkvæðagreiðslu um samning SGS við Launanefnd sveitarfélaga, sem skrifað var undir 29. nóvember sl. liggur nú fyrir. Alls voru 1.661 einstaklingar á kjörskrá. Atkvæði greiddu 753 eða 45,3%. Já sögðu 726, nei sögðu 25. Auðir og ógildir seðlar voru 2. Niðurstaðan er sú að samningurinn var samþykktur með miklum meirihluta greiddra atkvæða eða 96,4%. […]
Fórnið ekki réttindum – aldrei of varlega farið !
Verkalýðsfélag Vestfirðinga vill koma því á framfæri við félagsmenn að þrátt fyrir að nú séu ýmsar blikur á lofti er varða atvinnuhorfur þá gilda kjarasamningar og réttindabundin ákvæði sem þeim tengjast. Um laun er samið í kjarasamningi og getur atvinnurekandi því ekki ákveðið að lækka laun einhliða. Breytingar á ráðningarkjörum eru bundnar við sama fyrirvar og uppsagnarfresturinn er í hverju tilfelli. Þrátt fyrir erfiðleika á vinnumarkaði gilda ennþá lög og reglur á vinnmarkaði og því verða báðir aðilar að hlíta.
26. þings Sjómannasambands Íslands
Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:“Table Normal“; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:““; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:“Times New Roman“; mso-ansi-language:#0400; mso-fareast-language:#0400; mso-bidi-language:#0400;} Verkalýðsfélag Vestfirðinga átti 3 fulltrúa á 26. þingi SSÍ sem haldið var dagan 4 – 5. desember í Reykjavík. Umræðan um atvinnu og kjaramál […]
Viðhald og endurbætur eldri timburhúsa – námskeið á Patreksfirði
Dagana 5. og 6. desember nk. mun Fræðslumiðstöð Vestfjarða í samstarfi við Húsafriðunarnefnd og VerkVest halda námskeið á Patreksfirði ætlað húsasmiðum. Á námskeiðinu verður fjallað um undirstöður og burðarvirki eldri timburhúsa. Farið er yfir frágang bæði utan- og innanhúss. Skoðuð eru gömul hús sem hefur verið gert við og hús sem þarfnast viðgerða. Einnig er […]
„Lægjum öldu reiði og óánægju – byggjum upp til framtíðar !“
Fundur stjórnar og trúnaðarráðs Verkalýðfélags Vestfirðinga sem var haldinn í húsi félagasins í gær var vel sóttur og umræður heitar og líflegar. Fyrsta mál á dagskrá fundarins var nýgerður samningur við Launanefnd sveitafélaga um framlengingu kjarasamnings og breytingar sem honum fylgja. Þá var einnig tekið fyrir breytingar á atvinnuleysisbótum sem fjall um hlutastörf og hlutabætur sýndist sitt hverjum í þeim efnum en almennt voru fundarmenn á því að þessar breytingar stuðluðu að því að gera fyrirtækjum og starfsfólki að halda ráðningarsambandi ef fara á í breytingar á starfskjörum. Ítrekað var að fyrirtæki ættu að skoða þessa möguleika áður en ákvörðun yrði tekin um uppsagnir.
Skrifað undir samning við sveitarfélögin – megin áhersla á launaliði
Á fimmta tímanum í dag skrifaði samninganefnd Starfsgreinasambands Íslands ( SGS ) undir samning við Launanefnd sveitarfélagnna ( LN ) um framlengingu og breytingar á kjarasamningi við sveitafélögin. Gildistími samningsins er frá 1.desember 2008 – 31. ágúst 2009. Einnig var undirrituð yfirlýsing milli aðila sem tekur á því að náist sátt um sameiginlega niðurstöðu á almennum og opinberum markaði, þá mun sú niðurstaða gilda frá þeim tíma og með þeim breytingum sem niðurstaðan felur í sér.
Samfélag siðvæðingar – eigum við að borga fyrir patrýið ?
Þriðji fundurinn í röð fundarherferðar Alþýðusambands Íslands var haldinn í Edinborgarhúsinu á Ísafirði í gærkvöldi. Fundurinn var í samstarfi við Verkalýðsfélag Vestfirðinga og landssambönd innan ASÍ. Ræðumenn kvöldsins voru þeir Gylfi Arnbjörnsson forseti ASÍ og Finnbogi Sveinbjörnsson formaður Verkalýðsfélags Vestfirðinga, fundarstjóri var Finnur Magnússon formaður verslundardeildar Verk Vest. Málefnalegar umræður sköpuðust í kjölfar framsögu þeirra […]
Námskeið í fjármálalæsi
Félagsmálaskóli Alþýðu og Fræðslumiðstöð Vestfjarða standa fyrir námskeiði í Fjármálalæsi – Fjármál heimilanna. Námskeiðið, sem verður í samstarfi við Verkalýðsfélag Vestfirðinga, Ísafjarðarbæ, Vesturbyggð og Strandabyggð, er þátttakendum að kostnaðarlausu.