Góð þátttaka var þrátt fyrir Fossavatnsgöngu sem fór fram á sama tíma
Ögmundur og Jón Bjarnason sátu fyrir svörum ráðstefnugesta
Formaður Verk Vest var einn af frummælendum
Dóra Hlín frá Kerecis og Aðalsteinn Óskarsson frá Fjórðungssambandi Vestfirðinga
Afar fjölsóttur fundur um atvinnumál á Vestfjörðum var haldinn á
Ísafirði í dag. Fundinn sóttu um 150
manns víðsvegar að af Vestfjörðum. Að
fundinum stóðu verkalýðsfélög og atvinnufyrirtæki á svæðinu, til að vekja
athygli á alvarlegri byggðaþróun á Vestfjörðum.
Framsögumenn fjölluðu um tækifæri, aðstæður og samkeppnisskilyrði
atvinnufyrirtækja og leiðir til úrbóta. Ráðherrarnir
Jón Bjarnason og Ögmundur Jónasson, sátu fyrir svörum auk Guðna A
Jóhannessonar, orkumálastjóra sem var fulltrúi iðnaðarráðherra. Auk þeirra voru fulltrúar viðskiptabankanna,
Fjárfestingarsjóðs Íslands og Orkubús Vestfjarða.
Fram kom í máli innanríkisráðherra að hann hefði skipað starfshóp
undir forystu Guðmundar Kristjánssonar, hafnarstjóra á Ísafirði til þess að
koma fram með tillögur um strandsiglingar. Var því vel tekið af
fundarmönnum. Auk þess lýsti ráðherra
því yfir að mest væri þörfin fyrir samgönguframkvæmdir á Vestfjörðum og
Austfjörðum og ættu framkvæmdir þar að njóta forgangs að vegafé. Jón Bjarnason, sjávarútvegsráðherra, lýsti
því yfir að fyrirhugaðar breytingar á löggjöf í sjávarútvegi ættu að styrkja
stöðu strandveiða og að aukin byggðatenging og byggðafesta myndu styrkja
samkeppnisstöðu sjávarbyggða.
Flutt voru þrettán framsöguerindi um skiptinga skatttekna,
samgöngur, nýtingu auðlinda og aðgengi að fjármagni. Í máli Vífils Karlssonar, hagfræðings kom
fram að stjórnvöld væru að valda verulegu ójafnvægi í milli landssvæða með
ráðstöfun skattfjár til starfsemin hins opinbera. Telur Vífill á grundvelli rannsókna sem hann
hefur unnið, að landsbyggðin njóti í mun minna mæli ávinnings af ráðstöfun
skattfjár.
Ályktanir, glærur og annað efni frá ráðstefnunni mun verða aðgengilegt hér á síðunni innan skamms,