Ljóst er að Fjarðalax hefur ekki farið að lögum eða gildandi reglum varðandi tilkynningaskyldu til stéttarfélags og Vinnumálastofnunar vegna hópuppsagna starfsfólks Fjarðalax á Patreksfirði. Hvorki Vinnumálastofnun né stéttarfélagi starfsfólks var tilkynnt um uppsagnirnar eins og lög um hópuppsagnir gera ráð fyrir, né var haft samráð við fulltrúa starfsfólk eins og reglur um hópuppsagnir kveða á um. Vinnumálastofnun hefur staðfest að ekki hafi bortist tilkynning frá fyritækinu um hópuppsögn. Þá er hægt að draga í efa lögmæti uppsagnarbréfa sem eru vægast sagt opin og óljós um ráðningu og vinnuframlag starfsfólks á uppsagnartímanum. Verkalýðsfélag Vestfirðinga hefur sent sveitarstjórum í Vesturbyggð og Tálknafirði póst þar sem hvatt er til að beyta fyrirtækið þrýstingi þar sem það verði krafið svara með skýrum hætti um framtíðaráform starfseminnar á Suðursvæði Vestfjarða.