Endurbætur við hús nr. 9 í Svignaskarði eru komnar á fullt skrið, en ætlunin er að stækka húsið þannig að þar verði gisting fyrir 8 manns ásamt því að farið verður í nauðsynlegar endurbætur á innréttingum. Byggingaverktakinn Eiríkur J. Ingólfsson í Borgarnesi vinnur verkið fyrir félagið, en þess má geta að félagið hefur átt mjög gott samstarf við Eirík og má í því sambandi nefna að fyrirtæki hans sá um nýbyggingu á húsi nr. 30 sem var tekið í notkun árið 2008. Ráðgert er að húsið verði tilbúið til útleigu í byrjun febrúar og miðað við góðan gang á framkvæmdum þá ætti það takast. Þess má geta að Svignaskarð er einn vinsælasti orlofsdvalarstaður félagsmanna. Í ljósi þess var ákveðið að þegar farið yrði í löngu tímabærar endurbætur þá yrði húsið einnig stækkað ásamt því að sólpallur og aðgengi verði lagfært.