Undanfarna mánuði hafði staðið yfir söfun til kaupa á nýju hljóðfæri fyrir Tónlistaskólann, þar höfðu margar hendur lagt málefninu lið. Nemendur og kennarar skólans haldið tónleika þar sem ágóðinn rann í söfnunina, félagasamtök og stofnanir höfðu einnig lagt söfnuninni lið svo draumurinn gæti orðið að veruleika sem fyrst. Þess má geta að Verkalýðsfélag Vestfirðinga lagði söfnuninni lið með myndarlegum hætti. 

Í tilefni þess að hljóðfærið veri komið á staðinn ákváðu nemendur og kennarar Tónlistaskóla Hólmavíkur að halda veglega veislu þar sem boðið var upp á fjölbreytta tónlistaveislu og kaffihlaðborð á eftir. Miðað við glæsilega frammistöðu nemenda þá þurfa Strandamenn ekki að örvænta í framtíðinni, en upphafslag tónlistarveislunnar "Bláu augun þín" eftir Hólmvíkinginn Gunnar Þórðarson ber glöggt vitni um ríka tónlistarhefð á staðnum. Nánar er fjallað um veisluna í máli og myndum á strandir.is  .