Verslanirnar Kostur, Samkaup Úrval og Víðir neituðu að taka þátt
í verðkönnun ASÍ föstudaginn 26. október. Forsvarsmenn umræddra verslana telja það ekki þjóna hagsmunum sínum að
verðlageftirlit ASÍ upplýsi neytendur um verð í verslunum þeirra. Tilgangur könnunarinnar var að skoða hvort merkjanlegur munur væri á verði matvöru á föstudegi eða laugardegi.
Af
þeim matvörum sem skoðaðar voru hækkaði verðið mest á iceberg salati, blómkáli,
tómötum og agúrku hjá versluninni Nettó Mjódd eða um 43% milli daga. Aðrar
vörur sem hækkuðu milli daga voru t.d. Myllu hveitibrauð sem hækkaði um 12% hjá
Krónunni og Holta kjúklingapylsur um 15% hjá Nóatúni. Mesta
lækkunin á milli kannanna var á kartöflum í lausu eða um -30% hjá Nettó. Sem
dæmi um aðrar vörur sem lækkuðu í verði eru t.d. Bíó bú kókosjógúrt sem lækkaði
um -6% hjá Nóatúni og jarðaberja Húsavíkurjógúrtið sem lækkaði um -8% hjá
Bónus. Nánar má lesa um könnunina á heimasíðu
ASÍ.