Minnt hefur verið á það hér á vefnum að framhald verður á trúnaðarmannanámskeiði Verk-Vest og FosVest í maí.
Námskeiðið hefur nú verið tímasett 8. og 9. maí. Byrjað verður fyrri daginn kl. 9:45 og er áætlað að hætt verði kl. 16:45.
Seinni daginn verður byrjað kl. 9:00 og er áætlað að námskeiðinu verði lokið um fjögurleytið.
Námsefnið verður í stórum dráttum eftirfarandi:  

• Samskipti. Framhald af fyrri hluta. Hópefli-samskipti. Hvernig vinnum við saman sem hópur?
• Vinnuréttur. Framhald af fyrri hluta. Nánar farið í vinnurétt. Lagaumhverfi og dóma.
• Starfsemi stéttarfélagsins. Stéttarfélögin kynnt og þjónusta sem þau veita félagsmönnum. Upplýsingar um sjóði félaganna og reglur þeirra. Kynning á kjarasamningum félaganna og uppbyggingu þeirra.

Fyrri hlutinn mæltist afar vel fyrir hjá trúnaðarmönnum. Við hvetjum alla trúnaðarmenn til að mæta og væntum afburðagóðrar þátttöku.